KA SHPRESE NE JEZUSIN!

Ishte një kohë e bukur adhurimi, një mundësi për të thelluar marrëdhënien me Zotin dhe për të pasur një takim të mrekullueshëm me Të! Zoti çliron shërbëtorët e Tij besnikë nga problemet e tyre, i vesh me lavdi dhe nuk është larg atyre që e adhurojnë me besim dhe të vërtetë!

𝐍𝐉𝐄 𝐔𝐃𝐇𝐄𝐓𝐈𝐌 𝐁𝐄𝐒𝐈𝐌𝐈 𝐄𝐃𝐇𝐄 𝐒𝐇𝐏𝐑𝐄𝐒𝐄!

Profeti Kastriot profetizoi për zonjën Age, duke i thënë:
“Zoti të do shumë, por duhet të harrosh të kaluarën, sepse e kaluara shpesh na pengon të ecim përpara, si në marrëdhënien tonë me Perëndinë ashtu edhe me njerëzit.” Zonja Age kishte ndier më parë se Zoti nuk e donte. Madje, edhe ndihmën që kërkoi nga të tjerët nuk e mori. Kjo e bëri të mbante mosfalje në zemrën e saj, një barrë që e lidhte me të kaluarën dhe e pengonte të ecte përpara. Pasojat u reflektuan në shëndetin e saj, duke vuajtur nga dhimbje trupore, tension i lartë dhe frikë për të dalë jashtë shtëpisë. Nuk mund të ecte lirshëm dhe as të merrte frymë siç duhej. Por tani, ajo ka mësuar të falë, dhe kjo ka sjellë paqe dhe çlirim në shpirtin e saj. Sot, ajo ecën lirshëm, madje vrapon, duke ndier çdo ditë fuqinë shëruese të Zotit në jetën e saj. Më e rëndësishmja, ajo ka ndërprerë ilaçet dhe është më e shëndetshme se kurrë. Tani ajo inkurajon të tjerët të ndjekin Jezus Krishtin, Atë që dha jetën për ne, që na çliron, na shëron dhe na jep vlerë.

Profeti Kastriot ndau një mesazh të bekuar me njerëzit, me titullin “KA SHPRESE NE JEZUSI“. Ai shpjegoi se agjërimi i duhur duhet bërë sipas vullnetit të Zotit, duke qëndruar larg mëkatit, pasi mëkati është pengesa që na ndalon të ecim nga lavdia në lavdi. Përkundrazi, jeta jonë duhet të jetë e shenjtë, larg padrejtësisë dhe urrejtjes, me zemra të pastra para Perëndisë. Profeti lexoi nga Luka 5:30-32: “Por skribët dhe farisenjtë murmurisnin kundër dishepujve të Jezusit, duke thënë: ‘Pse hani dhe pini bashkë me tagrambledhës dhe mëkatarë?’. Jezusi u përgjigj: ‘Nuk janë të shëndoshët ata që kanë nevojë për mjek, por të sëmurët. Unë nuk erdha t’i thërras të drejtit të pendohen, por mëkatarët.'” Ky është një mesazh shprese për të gjithë ne: pavarësisht gabimeve tona, Jezusi është gjithmonë aty për të na falur, për të na çliruar dhe për të na drejtuar në rrugën e jetës së përjetshme. Nuk ka rëndësi sa vonë mendojmë se jemi për bekimin tonë; me Jezusin, gjithmonë ka një mundësi të re për të rifilluar. Ai ka ardhur për të na shëruar, për të na shenjtëruar dhe për të na drejtuar drejt dritës së Perëndisë. Profeti Kastriot gjithashtu lexoi nga Gjoni 8:1-11 Kur farisenjtë e sollën atë përpara Jezusit, ata donin ta dënonin me gurë sipas ligjit të Moisiut. Por Jezusi, duke u përkulur, filloi të shkruante në dhe. Pastaj u ngrit dhe u tha: “Kush nga ju është pa mëkat, le të hedhë gurin i pari!” Një nga një, ata u larguan, të ndërgjegjshëm për mëkatet e tyre. Jezusi, pasi pa që askush nuk e kishte dënuar, i tha gruas: “As unë nuk të dënoj; shko dhe mos mëkato më!” Kjo na mëson se Jezusi është gati të na falë dhe të na drejtojë drejt një jete të re, larg fajit dhe dënimit. Në fund, profeti lexoi nga 1 Pjetri 2:24: “Ai vetë i mori mëkatet tona mbi trupin e Tij në kryq, që ne, të vdekur për mëkatin, të jetojmë për drejtësi; dhe me plagët e Tij ne u shëruam.” Profeti inkurajoi njerëzit me këto fjalë: “Suksesi i vërtetë gjendet brenda teje. Kur beson dhe shpreson në Jezusin, jeta jote do të ndryshojë!”