RRETH NESH

BESIMI YNË

Fryma e Shenjtë bashkëpunoi me Atin dhe Birin për të krijuar botën.Ati dha Frymën e Tij që të na bëjë si Birin e Tij,Jezus Krishtin.Jezus Krishti që ne njohim është Jezusi me fuqinë e Frymës së Shenjtë.Dha një premtim të mrekullueshëm në ungjillin e Gjonit 14:16-17: “Dhe unë do t’i lutem Atit dhe ai do t’iu japë një Ngushëllues tjetër,që do të qëndrojë përgjithmonë me ju, Frymën e së Vërtetës,që bota nuk mund ta marrë,sepse nuk e sheh dhe nuk e njeh:por ju e njihni,sepse qëndron me ju dhe do të jetë në ju” Fryma e Shenjtë do të jetë përgjithmonë me ne.Kjo gjë nuk është e njohur tek të gjithë dhe nuk e kanë marrë të gjithë,vetëm ata që janë të përgatitur për Të.Fryma e Shenjtë na tregon se sa gabim janë mëkatet tona. Na ndihmon që ta pranojmë Jezus Krishtin si Shpëtimtarin tonë.Ai ndryshon krejt jetën tonë. Ky quhet ndryshim rrënjësor ose rilindje.

Jezus Krishti është një fitues shpirtrash.Për këtë arsye erdhi,jetoi,vdiq dhe u ringjall.Erdhi për të restauruar marrëdhënien midis Perëndisë dhe njeriut.Për sa i përket natyrës së Tij njerëzore,Jezus Krishti ishte pasardhës i Davidit.Për sa i përket natyrës së Tij hyjnore,u duk me fuqi të madhe që ishte Bir i Perëndisë,ndërkohë që u ngjall ditën e tretë.Tani ulet në të djathtë të fronit të Perëndisë (Hebrenjtë 12:2; Romakët 1:2-4). U tundua në të gjitha aspektet e jetës,ashtu si edhe ne,por nuk kishte mëkat në jetën e Tij.Jezus Krishti na do,vdiq për ne,mbretëron me fuqi për ne dhe vazhdon të lutet për ne.

Njerëz të shenjtë të Perëndisë u drejtuan nga Fryma e Shenjtë ndërkohë që predikonin mesazhin që erdhi nga Perëndia.Bibla është më tepër se fakte historike dhe urtësi e lashtë.Është mesazhi i hirit dhe i të vërtetës Së Perëndisë për ne sot (2 Timoteu 3:16; 2 Pjetri 1:21).

Mëkati e drejton dikë në vdekje dhe shkatërrim,por Fjala e Perëndisë të drejton në jetë.Nëse Jezus Krishti është Zoti dhe Shpëtimtari ynë,një trup i ri,një shpirt i ri dhe një frymë e re na presin një ditë.Fryma e Perëndisë i dëshmon frymës sonë se ne jemi bij të Perëndisë (Romakët 8:16).

Shpëtimi do të thotë të jesh i lirë nga mëkati dhe pasojat e tij dhe merret me besim nëpërmjet fuqisë pastruese të gjakut të Jezus Krishtit. Çdo njëri duhet të pranojë Jezus Krishtin si Zotin dhe Shpëtimtarin e tij personal, ndryshe vdekja e Jezusit nuk mund ta shpëtojë.

Fjala e Perëndisë rifreskon mëndjen tonë,ndërkohë Fryma e Perëndisë rinovon fuqinë tonë.Që të rilindim,jo vetëm duhet të kemi Fjalën e Perëndisë, por edhe Frymën e Tij bashkë më pendim dhe besim në zemrat tona.

Shërimi Hyjnor është një fuqi mbinatyrale e Perëndisë që sjell shëndet në trupin njerëzor. Merret nëpërmjet besimit në veprën e përfunduar të Zotit tonë Jezus Krisht. I gjithë dënimi që mori Jezus Krishti para dhe gjatë kryqëzimit të Tij ishte për shërimin tonë-në frymë, shpirt dhe trup. Nëpërmjet plagëve të Tij jemi të shëruar. Shërimi hyjnor përfshihet në përfitimet që Jezus Krishti pagoi për ne në Golgotë.

Pagëzimi në ujë dhe pagëzimi me Frymën e Shenjtë. Besojmë gjithashtu në foljen e gjuhëve, ndërkohë që Fryma e Shenjtë i jep (Veprat e Apostujve 2:4). Të gjithë ata që bëhen pjesë e trupit të Jezus Krishtit, janë sepse pagëzohen me Frymën e Shenjtë (1 Korintasve 12:13; Romakët 8:9). Kur pagëzohesh me Frymën e Shenjtë, fuqia e Perëndisë do të vijë mbi ty, siç ndodhi edhe tek dishepujt e parë në ditën e Rrëshajave (Veprat e Apostujve 2:1-4). Kur fuqia e Perëndisë do të vijë mbi ty, do të ndikojë çdo gjë që ka të bëjë me ty. Fryma e Shenjtë prodhon lumenj jete, gëzimi, dashurie, paqeje dhe fuqie, në mënyrë që të burojnë brenda teje për nevojat e të tjerëve (Gjoni 7:37-38).

Bashkësia Intime e Jezus Krishtit me dishepujt e Tij në ungjillin e Mateut 26:26-28, “Dhe ndërsa po hanin, Jezusi mori bukën, e bekoi, e theu, dhe ua dha dishepujve dhe tha:<< Merrni, hani; ky është trupi im>>. Pastaj mori kupën, dhe falenderoi dhe ua dha atyre duke thënë << Pini prej tij të gjithë, sepse ky është gjaku im, gjaku i besëlidhjes së re, i cili është derdhur për shumë, për faljen e mëkateve” Ndërkohë që dishepujt e Jezusit morën udhëzimin që të merrin pjesë në Darkën e Pashkës me Jezus Krishtin, edhe ne gjithashtu marrim pjesë në Darkën e Zotit (2 Pjetri 1:4), në lidhje me udhëzimin e Frymës së Shenjtë (1 Korintasve 2:10; 11:26-31).

Jezus Krishti do të vijë përsëri,ashtu dhe siç iku (Veprat e Apostujve 1:11; 1 Thesalonikasve 4:16-17).